|
::شمعة::
::The Real Candel::  Name::Mahmoud Hafez From::Normal, Illinois, United States I'm who lost everything to win himself View my complete profile
::Recent Lights::
::Old Lights::
::Other Candels::
::Spare::
|
السبت، يوليو ٢٨، ٢٠٠٧ كله إلا النت يعني من يوم وليلة صحينا الصح لقينا ضافوا 5 جنيه فردة ولوي دراع على فاتورة الكهرباء ده بالنسبة للبيوت بحجة نضافة ومع اننا ولا شفنا نضافة ولا دياولوه وخاصة في المناطق الشعبية الزبال بيقعد بالاسبوع ولا بييجي ولا بيعبرنا غير بقا العشرين جنيه على الاقل اللي اضافت برضه على فاتورة الكهربا بالنسبة للمحلات التجارية وبغض النظر عن فاتورة الكهربا اللي هاتولع بعد ما تزداد من 5 الى 8 % يعني هايبقى ليلة زرقة لما ييجي محصل شركة الكهربا كل اول شهر ، مش بعيد يضرب بالقباقيب خاصة في المناطق الشعبية وبغض النظر عن فاتورة الكهربا وسنينها وشركة الكهربا اللي هانولع فيها قريب ان شاء الله او هانقضيها سرقة من كوفريهات الشوارع الرئيسية وبغض النظر عن مئات الأسر اللي بتضرب بعضها بالصرم عشان مية الشرب اللي أبسط حق من حقوق مواطن موجود في بلد فيها نهر عظيم مثل نهر النيل وبغض النظر عن ان اولادنا واولاد اولادنا ده اصلا لو احنا عشنا ، مش هيلاقي نقطة مية يشربها إلا اننا شعب عفي وقوي ويقدر يعمل حساب الازمات دي وممكن الواحد يدفع عربون لكام فنطاس كدة ويملاهم مية أهوه الواحد مش ضامن الزمن او كل واحد يعمله طلمبة .. وبغض النظر عن الازبلينج بتاع كلمة طلمبة .. إلا انها حل كويس لضمان مياه مهما كانت هذه المياه مهلكة للكليتين اللي حيلتنا .. وبغض النظر عن حاجات كتييييييييييييييييييييييييييييير جدا إلا بقا اللي حارق دمي ومينفعش نغض النظر عنه قرار بتاع سيادة وزير الاتصالات الخاص بتحديد طاقة التنزيل او تحديد ساعات الانترنت بالنسبة لمشتركي الانترنت بحيث انه يكون الكمية المحددة 2 جيجا شهريا ويكون حساب كل 1 جيجا زيادة بسعر 10 جنيه شهريا هذا بعد تخفيض سعر الاشتراك الشهري الى 45 جنيه شهريا بالنسبة لاول سرعة للانترت وهي 256 ك هو صحيح تم خفض سعر الاشتراك لكن سيتم التحكم في عدد ساعات دخول النت يوميا ليكون في المتوسط ساعتين يوميا وايضا سوف يتم التحكم بعدد البيانات والباندويدث التي سوف نقوم بتنزيلها من على النت ودي طبعا كارثة يعني كل اربعة خمسة كانوا مشتركين في وصلة نت خلاص بح هايفركشوا ولو استمروا اكيد هايضربوا بعض بالشباشب كل اول شهر غير ان محلات النت كافيه هاتنقرض أو كل جهاز هايبقى ليه تسعيره ، الناس اللي بتفتح الماسنجر وتتكلم يبقى الساعة مثلا ب 2 جنيه واللي بيفتح مواقع وماسنجر ب 4 جنيه واللي عنده 700 واحد على الماسنجر وبيخشي قهوة كتكوت زيي يبقى الساعة ب 10 جنيه يعني ولاد اللذينا دول لما يصدقوا الناس تلاقي حاجة تنفس بيها عن نفسها يبدأوا يحطوا قوانين والتزامات ويحجموا الامور كدة يعني الواحد خلاص بدأ يفرح ان الشارع المصري بدأ يعرف حاجة اسمها نت ووصلات النت مليت المناطق والبلاد ورغم ان في ناس كتيرة بتستخدم النت غلط إلا ان الصورة بدأت تتضح للجميع والناس بدأت تفهم ازاي تستفيد من الاختراع الجديد بالنسبة ليهم اللي اسمه نت ده إلا ان الحكومة كدة سواء بقصد او بدون قصد عاوزة تقلل استخدام الانترنت ولو فعلا عاملة الموضوع ده بنية انها تخفض السعر وتجعله متاح للجميع حتى لو بقدر بصغير .. وانا اشك في ده ساعتها تقدر توفر النظامين .. يعني تخلي النظام اللي موجود ده زي ماهو ... النت يبقى مفتوح باشتراك شهر واللي عاوز نت برائحة النت ابو 45 جنيه ده ياخده وربنا يصبرنا ونغض البصر عن بلاوي الحكومة 
 |