|
::شمعة::
::The Real Candel::  Name::Mahmoud Hafez From::Normal, Illinois, United States I'm who lost everything to win himself View my complete profile
::Recent Lights::
::Old Lights::
::Other Candels::
::Spare::
|
الخميس، مايو ٢٢، ٢٠٠٨ هذيان ما قبل النسيان يا رب ارزقني بالولد الصالح يا راجل أي ولد وخلاص .. انت ابن عاق ... كافر كافر كافر .. انا مش هامضي غير في البنك .. يابني أنزل الشارع اتعلملك كلمتين ينفعوك .. فين التفاح اللي بحبه يا بابا .. في شقة مع مين .. انا عاوزاه ينزل جثة من هنا .. انت بتوزع منشورات يا محمود يا حافظ .. انت رحت المدرسة انهاردة لأ كنت في القناطر .. يا إما نص البيت أو تطلقني وتاخد عيالك الاربعة .. انت ليه مجتش بعربية ؟! هو عمو لما جه يخطب حضرتك كان عنده عربية ؟! .. ايوة انت مجنون ، وانا هاطلبك المستشفى تيجي تاخدك.. .. يابني اشرب دي بتغسل المعدة ، هو انت مش راجل ولا ايه ؟ .. بحبك أوي .. ساعتين رغي في التليفون وتقولي داخل البيت من بابه عيد حب بقا وبتاع .. عرفي ...؟! .. انت محمود حافظ ايوة انا محمود حافظ .. انتو مين ؟!م ن القسم ..! .. انتو شلتوا السكينة مني لييييييه ؟ .. لو راجل انزلي بتتكلم من فوق ليه ..؟! .. انا لو مكانك هاسبني من البنت دي خالص .. .. شقة 90 متر .. مش هاتعجب ماما انت عارف انت ايه ؟؟ انت ***** ايوة ***** .. مش هاتجوزه ابدا .. بكرهه .. مات ؟؟ مات ليه ؟؟ .. كنت فين لما كانوا 45 جنيه ؟! .. أصل انت ***** انت وصاحبك .. .. ايه اللي عمل في ايدك كدة شوية نرفزة خبطها في الازاز .. عادي يعني .. ايوة شبرا اللي بيسلموا على بعض من البلكونات .. .. أحلم بيا.. .. آه مبكولش دليفري وبركب الاتوبيسات ام ربع جنيه .. يابني تعالى عندي الشقة اللي تحت فاضية وانت زي اخويا .. لألأ ملهوش انه ياخد السدس .. يالة قوم عشان تلحق الجمعة .. الشنطتين من حقي انا بقا .. ايه دااا ... ده انا لاقيت معاه 30 جنيه .. ممنوع الغش .. مش انا اذاكر طول السنة وبعدين اتساوى بواحد بيهرب طول السنة .. دكتور ماما .. ايوة ولو جيت هنا تاني هادفنك مكانك .. الحمد لله الذي نجانا من القوم الظالمين .. ايوة انت خليك هنا عشان انت الراجل .. ده كان بيغير الحنفية .. ايوة هانزلهم الأكل .. ده رمضان وكله بثوابه .. بصي انا عارفك بتحبي الشيكولاتات والبيبسي / الفلوس اللي ببعتهالك كلها اصرفيها على نفسك ومتحرميش نفسك من حاجة .. متخبصش على حاجة تاني .. انا بقولك اهوه لو ابويا طلع من القبر وجه عندي البيت متفتحلهوش وانا مش موجود .. هو انت ايه اللي مصحيك لغاية دلوقتي ... اجري خش نام .. هاتروح المدرسة يعني هاتروح المدرسة ولو على نقالة .. ******************* و ***************** .. مش كفاية بأكل هلف شنبه في وشه .. هما 130 ألف مينقصوش جنيه .. لأ هاقعد تحت .. اجري يابابا روح العب بعيد روح جيب حد يضمنك .. أصل عندي هرمونات زيادة ! .. انت هاتفضل قاعدلي كدة / ما تحل عني يا اخي .. هاقعد تحت وفوق كله يبقى ليه .. لأ اصل انا تعبانة شوية .. ادوني حق ما ربيتكم .. ومن اولادكم عدو لكم / أصل ده العدو .. لأ خش نام .. ايوة انت كنت مغفل .. بتقولك ربنا يسامحك وآدي الدبلة .. .. بحبك أوي .. ايوة كنت عاوزة اشوف ***** وشفت .. أنت بتشرب ؟لأ ...ليه ؟! .. ايوة دي الآلة بتاعتي وهو خد مني فلوس ورقمها كذا يا استاذ وهي في جيبه دلوقتي .. ده الأول على الفصل .. انا عاوز بيبسي من اللي في الصفيح ده .. انت حافظ لغاية فين لغاية قد سمع ... اسمعلك ؟ .. بحبك ..وانا بموت فيك .. .. يبقى كدة انا خدت حقي واحدة بواحدة .. مكنتش ضربته على ايده يابابا .. وحشتيني اوي .. أصل هما اهلي ومقدرش اخالفهم .. قرب أوي .. .. سلام بقا عشان الواد جه .. معرفش ، شوف مين رقمه على الاظهار .. صباح الخير أصبح ورد الجناين فتحصباح الخير أغني ده حوده غالي عندي صباح محمود عندنا احلي من المال والغنى أحلى من .......... .. امانة عليكي تشربيه كل يوم الصبح كوباية لبن عشان عاوزه يكبر بسرعة .. ورم في الكبد ..؟ .. لأ لأ دي مش طبيعية ... دي شاذة .. .. أجمل قصة حب عايشها معاك ... في لقاك .. ده مش عاوز جردل ماية وسخة / ده عاوز جردل مية نار .. انا لو شفتها ممكن اضربها .. عارف هز فطر مع مين اول يوم رمضان ..؟ .. يالا بقا عشان تخلص السنة دي .. .. معلش يا دكتور اصل كان حد قريب مني كان بيموت ومات .. انا كرهت الكام ساعة اللي بقعدهم هنا .. انتو فاكرين انه بالساهل ... انتو لازم تقطعوا بعض .. خلاص خلاص انا مش عاوز حاجة خالص.. ينفع ؟ .. لو انا منك كنت سبت الدنيا كلها وهجيت .. .. ده الله يكون في عونه ده لو جبل كان زمانه اتهد .. وحشني صوتك اوي خليك فاكرني دايما .. آه انا اللي كنت بكلمه ساعتها .. انا مش هاسيبك ابدا .. ييجي يبوس على رجلي الأول .. .. هو انا كدة بتصدم في الناس دايما .. ايوة هو ده اللي مربيني وبعتبره زي ابويا بالظبط .. سيبيله الدنيا كلها وهاتي حاجاتك وتعالى وشوفي هو هايتصرف ازاي .. انا عاوزاه يتذل شوية عشان يعرف قيمتي .. .. ألف مبروك ... ولد .. وسلامي الى خالد له مني ألف سلام .. تبقى الرسوم وتفنى الجسود .. لأ اتجوز تاني ازاي ... ايوة انت مستعمر من الجماعة اللي في مصر . .نكتب ورقة ... ! .. كان بيصلح الماتور .. .. ومين فينا مبيغلطش ؟! .. تساعدني ؟؟ تديني 70 ألف وتساعدني بيهم ؟! .. محدش له حكم عليا ابويا مات وجوزي مات .. أصل من سنة 80 مدفعش عوايد .. هو حد شريكي ؟! .. احنا معانا حبال وناخدهم ونحل هناك في وسط اهلنا .. لو حصل حاجة انا هامشي احنا مش رايحين نتخانق .. برتاح معاك ... .. أصل بنت عمها جايبة سوليتير .. انا في اكبر مشكلة ممكن يكون حد محطوط فيها دلوقتي .. وانا بموت فيك.. .. يعني التي شيرت اللي انت لابسة ده مين اللي جايبهولك انا طبعا ومن مالي الخاص .. لألأ اصل زمانا كان غير زمانكم .. لأ شبرا لأ ... .. آخر دقيقة .. افتكرني .. فالله خير حافظا .. بحبك وحشتيني انا آسف على التأخير مالييش بعدك يانور عيني حاجات لازم تقولها كتير .. ايوة بصي من البلكونة انا تحت بيتكم بعربية اوبل فضي خلاص خلاص شوفتك انت في الشباك اهوه .. انتو مش فاهمين حاجة دي ملهاش كلمة ومحدش كبيرها .. ايوة احنا ناخد شقتين جنب بعض او فوق بعض .. توأم ودي نور عيني .. هو قبل ما يموت قالي خلي بالك من .. دي مريضة نفسية بجد .. ايوة ياخد 15 ألف ويغور في ستين داهية .. امضي هنا ... .. دي المية دي ثواب... انت مفتحتش المية ليه ؟ .. لأ والله العظيم ما شهدت على حاجة .. اللي دايما بينكشف بيبقى أقل من نص الحقيقة .. لو عاوز تبيع البرميل ده انا اشتريه .. كل واحد معلقة .. انا هاجيب شقة والباقي اتبرع بيهم على يدك لمرضى السرطان ..! .. اطلعوا برة يا ********** .. أصل في حاجات جدت ايه هي الحاجات اللي جدت دي لأ مانت مقولتليش على مشاكلك .. ايه داا .. الحتة دي عدينا عليها قبل كدة طيب قول انا عيل وانا اشيل منك الشنطة ونرجع .. هو لفلانة ... طيب ما يكلم ابوها ويشوف ايه نظامه لأ دي زي اختي .. .. انا محفظتش انهاردة يا استاذ .. ليه لابس بنطلون تحت الجلابية ؟! .. ايوة انا بلبس قمصان من الواسعة .. .. ده اناني بتاع مصلحته .. انت مُعاقب .. خالو خالو .. هي تيتة فين ؟! .. اخره يشتغل في سيبر .. اشوف وشك بخير .. هما مستعدين يخلصوا دلوقتي حالا ياريت يجيهم عشان نخلص .. لو عوزت حاجة انا زي اخوك .. انت كنت فين ده كله ؟؟ .. اعذره برضه هو بعيد واكيد في حاجات كتير مش فاهمها وكمان الموضوع ميمسهوش من قريب ولا من بعيد .. لأ هتلاقي ألف **** بالفلوس .. انا هــ **** وهاجيلك تاني .. خليتك دغوف 4 سنين .. شوف بقا من غيري هاتعمل ايه .. أ/ محمود حافظ وحرمه .. انت متستاهلش حتى .. انت اغرب قصة شوفتها في حياتي ... ولا المسلسلات .. انا مش هاقدر اكمل ... كفاية .. بكرهك بكرهك ... والمصحف ده بكرهك .. تيجي تشرب القهوة عندي ..؟!لأ معلش .. .. خطيبنك.. .. هاتروح فين ؟هاروح اي حتة بعيد عن القرف ده .. بجد ؟ معقولة ؟؟! .. دي احقر من ان الواحد يتوقع منها حاجة .. خلاص في ربنا فوق هو اللي هايحسبني .. اوعى تعرفها طريقك بعد كدة .. .. مات كله مات بالنسبة ليا .. لأ دي حاجة و دي حاجة ... ده حقها .. .. انت مبتفهمش حاجة .. .. لو قبلت هاتبقى دلدول وخروف .. ربنا يسامحه بقا مطرح ما راح .. هو يعني ايه اب ؟ ويعني ايه أخ ؟ .. هو اشمعنة انا اللي بقيت كدة ؟ .. بحبك ... بس انا مرتبط ! .. لأ هي زهقت بدري .. .. الموضوع خلص خلاص .. .. عوضك على الله .. دي نهاية كل ظالم .. فاكرة لما جيتي وبوستي رجلي ؟! .. والسنة الجاية يا رب تكون دبلتك في ايدي .. انا مش هارجعلك الدبلة عشان هي غالية ولا رخيصة .. عشان دي الأصول .. الشيكولاتة مش هاتبقى من كوفرتينا هاتبقى من العبد ان شاء الله .. نازل ب 4 مواد .. أسيوط ؟ ليه أسيوط ؟ .. متقوليش عيوني .. .. ايوة خلاص .... كل الناس دي ولا كأني عرفتهم ولا عشت معاهم سنين وسنين.هنسى وابدأ حياة جديدة على نضافة .. .. كفاية عليا انتي بالدنيا دي كلها .. ءءءءءءء .. انا عمري ما مديت ايدي عليه ولا هامد ايدي عليه ....انا بعتبره زي ابني اصلا .. يا رب تجيلي متقطع تحت عربية .. لألأ متكتبش عليها ، اكتب على الظرف .. ال 50 جنيه حرام .. سفر لأ سفر لأ سفر آآآه سفر آآآه. .. معاك كام تسوى كام ؟! .. عليا الطلاق من بيتي ما تدخل البيت ولا انتي تروحلها بيت ولو شفتيها في الشارع متكلمهاش .. سيبوني انا وهو بس .. .. اطفي النور /اعمل بيضتين مش تلاتة ومتحطش صلصة على البيض واقفل الباب تكتين. .. انا هحاربكم لأخر يوم في عمري.. .. طلعت مش مثالية ومش رائعة ..! .. ياااااااااااااااااااااااااة حياة 
 |