|
::شمعة::
::The Real Candel::  Name::Mahmoud Hafez From::Normal, Illinois, United States I'm who lost everything to win himself View my complete profile
::Recent Lights::
::Old Lights::
::Other Candels::
::Spare::
|
الجمعة، ديسمبر ٠٩، ٢٠١١ Scenes from Tahrir Square  Protestors in Egypt !
Only in Egypt: - will you find protestors who write their name and home phone numbers on their hands and shirt so if they are killed or injured someone would be able tell their family ! .. - will you find honest protestors. When the cops throw teargas brave egyptians hurry to recover it and return it to its owner! We woud never take something that is not ours ! .. - will you fine homemade teargas repellant made of " 5% yeast + 95% water" being sprayed on your face by strangers! ..
- will you see people wearing snorkelling googles in downtown Cairo to protect our eyes from teargas ! .. - will you hear people making jokes about their dangerous environment and being killed! .. - will you hear protestor's change their chants from being against the polic force to "we need the old teargas" when a new stronger batch was used to replace the expired ones being used in the first days of the revolution :) ! .. - will pepsi and onions be a tactic used to defeat teargas ! .. - will you find protestor's making cheese sandwhiches while teargas and rubber bullets fill the air! .. - will you think there is a celebration happening in the middle of the fight because protesters fight back using fireworks! .. - will you see one doctor in a field hospital treat about 100 injured protestors in one day ! .. - will you see fearless protestors who are not afraid of teargas, rubber bullets, live bullets, or even getting detained and arrested, but rather they worry their parents will find out they are protesting! .. - will a young Egyptian tell his parents he is going to a class while his dad tells his family he is going to the work .. when in reality they are both going to protest and see each other in Tahrir Square( true story ! ) .. - will injured cops be treated as equals and taken to a field hospital to get treatment, and then return to their side and start firing again! .. - will you see an injured protestor put on the back of a motorcycle and quickly taken to the nearest field hospital for treatment ! .. - will the people pray while teargas, rubber bullets, and live ammunition is fired relentlessly around them ! .. - will you find crowds moving towards cops shooting at them opposed to away! .. only at Tahrir square you can smell the freedom within the teargas, died bodies, injured people, the sound of ambulance and motorcycles peeps !
Glory to people who refused to bow to any dictator again
Glory to Egyptian people ! ______________
Mahmoud Hafez 8th December 2011 
 السبت، أكتوبر ٠١، ٢٠١١ المجلس العسكري ... واشباه "الاحزاب" .. والقراطيس المقرطسة 
بداية كدة احب ان اعلن ان كل اللي مضوا على هذه الورقة "الحمضانة" لا يمثلوني كمواطن مصر لا من قريب ولا من بعيد ... نيجي بقا للبيان 1- البيان لم يحدد "متى" يجب أعلان موعد انتخابات الرئاسة ... كل اللي موجود فيه انه بعد اجتماع مجلسي الشعب والشورى هيشكلوا لجنة واللجنة هتحط الدستور ... وبعد ما يتحط الدستور ويتعمل استفتاء عليه من الشعب ، والموافقة عليه ، سيتم الاعلان مباشرة عن انتخابات الرئاسة ... وبناءا على الاعلان الدستوري " تشكيل اللجنة الواضعة للدستور .... وعمل الدستور يكون في 12 شهر ! " 6 لتشكيل لجنة ! و 6 لوضع دستور ! يا حلولي ! يعني على أبريل /مايو 2013 .. هيبقى عندنا دستور لسة هيستفتى عليه ... ولو تم عمل استفتاء عليه يعني على يوليو 2013 .. ولو تم الاتفاق عليه هيبدأ الاعلان عن فتح باب الترشيح ودي أقله 3- 6 شهور ... يعني انتخابات رئاسة على آخر 2013 او اوائل 2014 ... يعني بالطعون والاعادات مش أقل من 2014 عشان يبقى عندنا رئيس .... على 2014 على ما نخلص من المجلس العسكري .... هأو ! .. 2- المجلس لم يلُزم بأي شيئ .. "دراسة " وقف العمل بقانون الطوارئ .. آه هيدرسوا ايه ؟ وبعدين يطلع كارثة . اي كارثة مفتكسة اليومين اللي جايين ويقولك لأ الحالة الامنية لا تسمح برفع حالة الطوارئ .. وبيقولك " إلا في بعض الجرائم " كلللللللللله إلا دي ! أصلا اللعب كله على " إلا" دي ... أصلا قانون الطوارئ ده استثنائي واستخدامه استثنائي والاعتراض على انه استثنائي عشان اللي بيحدد الاستثناء ده هما نفسهم اللي بيضعوا الدنيا وبيستخدموه على مزاج أهلهم .. قانون الطوارئ يأما موجود او مش موجود ... من غير دراسة .. ومن غير "إلا" ااات ! بس نسيبها عايمة كدة يبقى احنا بنتقرطس .. وع العموم الشعب خلاص انهى الطوارئ ,,واللي عاجبه الطوارئ يبقى يروح يطبقه على نفسه بقا ! مفيش طوائ تاني من غير استفتاء شعبي ... قانونا ودستورا وثوريا .. بس ! .. 3 - بالنسبة الـ 12 ألف اللي محكوم عليهم او لسة بيتحاكموا عسكريا ؟ هما فين ؟ واللي لسة آخرهم اتاخدوا امبارح ؟ .. 4- فين حق المغتربين والعاملين في الخارج في الانتخابات ؟ الانتخابات ع الابواب ولسة مش عارفين مصيرهم ! .. 5- سؤال : الوثيقة دي ملزمة للمجلس؟ بأي شكل؟ وعنان ممضاش عليها ليه كممثل للمجلس العسكري؟ ولا هي بس تبقى ملزمة " بما فيها من فروض الولاء والطاعة للمجلس العسكري " للأحزاب ... وللمجلس " هيدرس وهيشوف وهيفكر " ؟! ..
من الأخر ..... الفريق سامي عنان باع العتبة الخضرا للأحزاب ...
وسلملي على القراطيس .... يا بتاع القراطيس يا متقرطس ....... هشششششششش شيييييي !
ملحوظة : صورة البيان مقتبسة من جريدة الدستور الأصلي
الأربعاء، أغسطس ٢٤، ٢٠١١ افتكاسات 100% مصرية .... #E5tra3masry دي مجموعة من الإيفهات/الافعال/الاقوال/العادات الشعبية اللي نقدر نقول عليها مصرية 100% . وبنميّز بيها جدا ...منقولة بتصرف من مشاركات الناس في تويتر وانا منهم .. .. ملحوظة : خد نفس طويل ... وكمّل النوت للآخر ولو حسيت ان قلبك هيقف ابقى خد بريك وكمّل ... خلينا نشوف :))
الفكرة كانت # اسمه اختراع مصري #E5tra3Masry فأي حاجة من اللي جاية دي ممكن تحط جنبها كلمة .. أختراع مصري
..
تلف الريموت في كيس .. وتخبي كرتونة التلفيزيون فوق الدولاب أقرصها في ركبتها علشان أحصلها في جمعتها حجة الدراع كان بايظ لما تتهزم فى الــ بيس تقول لحد صباخ الخير يقوللك وعليكم السلام ورحمة الله وبركاته بتشرب كوكاكولا !! .. اللى مكتوب عليها : لا محمد لا مكة البنت تلبس المينى جيب فوق البنطلون الجينز الكرشة والمومبار كلمة مرشيدييير الفطير المشلتت قبل ما تركب التاكس لازم تقول رايح فين واحتمال السوق يرفض وأنت تسكت جزمه طفل تتعلق فى اخر عربيه نقل أنا بهدى الفوز للسيد الرئيس,أنا بهدى الجايزة للسيد الرئيس,أنا بهدى التكريم للسيد الرئيس تقول لصاحبك سبلي آخر بوق من العصير.. ويقولك لا بحب اشربه !! انك تتقدم لمحاكمة عسكرية بتهمة لا مؤاخذه مناوءة خلص العصير , أحسن تبور لنا البنات العسلية الجيش والشعب ايد واحدة لبس العيد وكحك العيد وسفرية العيد وفيلم العيد و طبعا العيدية عجلة الانتاج سواق التاكسي يشيل أكر الشباك اللي ورا عشان محدش يركب ويفتحه الضربة الجوية الواد أوشا اللى بيلعب سنجل رئيس يلعب سنجل ٣٠ سنه والشعب كله يقف نكست الجرايد ليها أكثر من استعمال واحد الليبرالية : أمك متلبسش حجاب ، أمك !! .. أيوه أمك حزام الأمان المتخيط - في العربية التجمع يوم الخميس في بيت تيتة وجدو :) ملحق الأهرام تحت البلوفر لو عندك برد إبداع إسمه "جمعة" الثورات .. أول من أدخل الحشد يوم الجمعة في الثورات العربية السَبت مدلدل م البلكونة ثورة بإيـفـنـت على الفيس بوك !! لما تسأل حد على العنوان يقولك : هما قالولك فين ؟؟
.. ..
محل اكل يبقى اسمه عبدة تلوث ضربة البنت شعرها بالأوكسجين ... ويغمي عليك بعدها التفاح بالعسل الاسود قدام المدارس ميكاب بيتباع فى الميترو البلى ... والكازوز والنوى الكورة الشراب عسكري مرور واحد واقف في إشاره في ميدان أربع إتجاهات بتاع الانبيب محاكمة عسكرية للمدنيين سفارة إسرائيل عليها علم مصر رسائل " كلمني شكرا وسلفني شكرا وادفعلي شكرا " .. مستفززززة البغل والجحش بتوع الفول تخزين أم العلب والبرطمانات الفاضية من غير أي سبب النيش والأطقم الصيني اللي بتتورث وعمرها ما بتتلمس عبور خط برليف بالخراطيم الناس والعربيات بيعدو مع بعض في نفس ذات الوقت ومع ذلك الحوادث بتحصل لأسباب تانيه رز بلبن الشعلقة في اتوبيس النقل العام وهما ماشي لو سمحت عايز خمس ازايز بيبسي ، اتنين فانتا و اتنين سبرايت و واحده كوكاكولا كلمة مزة و مز ايناس الدغيدى انا معملتش حاجة علط عشان اتوب الام تضرب عيالها بالشماعة بتاعة الهدوم او حتة خرطوم مية صايم ولا زى كل سنه ؟ وصلة النت .... ووصلة الدش حد ييجي يبرشط قدامك في اي طابور ويقولك .... معلهش علشان مستعجل اول ما تدخل البيت تسمع كلمة ايه ده انت رجعت سندوتش القشطة بالعسل المش ابو دود .. .. انا فصلت شحن الريس ده ابونا كلنا تعالى بس وانا هاظبطك غزوة الصناديق سندوتش الڤياجرا السواقين يكتبوا تاريخ حياتهم والدروس المستفادة منه على الميكروباص أصرف ما فى الجيب ياتيك ما فى الغيب الرشوة بالڤياجرا الراجل الواقف ورا عمر سليمان دي زي اختي ... دانا لو شفتها عريانه اغطيها سيبك منه ده واحد صايع الزغروطة ويندوز اسبيدرمان .. وبات مان وويندوز الاسلامي والويندوز اللي بيصطب نفسه والاسطوانة السحرية الناس لما تضحك قوي ومن قلبها تقول "خير اللهم اجعله خير" ولا يطلع واحد يقول لك "الضحك اخرته نكد" ميت حلفا و ميت رهينة و ميت غمر و ميت ابو الكوم و ميت سلسيل و ميت نما و مزغونة خش رابع ورا يا استاذ الحج ب 55 الف حلة المحشى على الشط دور على جادون العجلة فى غطا ازوزة الفرانكو أربيك الحجاب هاندز فري: حشر الموبايل بين الحجاب والودن
ميدان التحرير ادي جاااااامد علشان جااااااامد مخدش 280 مسلسل ف رمضان الصرخة الدامية وامك بطش الملوخية الام تضرب عيالها بالشماعة بتاعة الهدوم او حتة خرطوم مية المليونيات .. وأساميها انك تلاقي واحدة حاطة في صورة البروفايل بتاعه (Interested in Women) وقال يعني البنت مؤدبة .. مش عارفة اللي فيها عصير القصب كلمة .... حمراااا لازم لما الفيلم العربي يخلص تلاقي كلمه .... النهايه .... سبحان الله يقولك .. انا داخل ع "الفيس" ... وقاعد ع "اللاب" .. قاعد ع الـ lap ازاي لامؤاخذة؟ الصبي بتاع الميكروباص :)) عنيا الشمال بترف .. خير يا رب! وايدي اليمين بتاكلني .. تبقى هتسلم على حد .. ايدي الشمال بتاكلني ... يبقى فيه فلوس هتجيلك ترش مية قدام القهوة الصبح اغتصاب الحجارة القلم أما بتخلص .... عضعضة بقا وبتاع و النبي يا اسطى اقف على جنب اديك تقول مخدتش يا ناكر الجميل الفيمتو ثانية ..... ده اختراع مصري عالمي بجد :)) لما توصل اديني رنة الكنافة والقطايف الرقاصة في الفرح سواق التاكسي اللي بيحكي قصة حياته للي راكب معاه المخدرات ف الافراح فيلم ثقافي يعني فيلم ابيح رنات بقى ,, هاه؟ الكنبة اللى ورا 5 لو سمحت أنا متجوزش أللي ماشيت معاه المزراب اللي بيخرج الميه من بلكونتك و يغرق الشارع والجيران شم الكوله .. .. اللى اداك يدينا يا عم الشحات الى يبصلك من فوق لتحت لو اديته اقل من جنية الاسماء الدينية للمحلات على شكيلة " كبدة ومخ عباد الرحمن" .. ازاي تاكل كبدة عباد الرحمن يا مفترى ؟ الطيارة اللي بالخوص والورق كمية البوس ما بين ابناء الفصيل الواحد .. اربع بوسات اتنين لكل خد بالتناوب سوفتوير نوكيا يشتغل علي سامسونج تبقى فى محل هدوم تجيلك البنت اللى بتشتغل تقولك حد معاكى يا آنسه لو عوزتى حاجه قولى ماجدة الشكك ممنوع والزعل مرفوع بتاع الروبابيكيا الشتيمة بكلكس العربية انا اسف يا ريس (اوسخ اختراع) كلمات المعاكسة أنتي بطل _ أسد _ وحش _ فرس _ مكنة ...إلخ فاضية ورا يا استاذ، فاضية ورا يا حضرت ، فاضية ورا يا أبله متخلنيش افطر عليك الشقه ع العريس والمطبخ ع العروسه
:))
الثلاثاء، أغسطس ٢٣، ٢٠١١ كــلـــــمة للتــــاريخ !! أشهد أنا محمود حافظ في هذه اللحظة التاريخية التي قام بها المصريون بـ" ثورة 25 يناير" ان هذه الثورة ... تُسرق .. وتنهب .. على مرأى ومسمع من الجميع .. ويشترك في عملية السرقة كلا من :- - المجلس العسكري .. حامي الثورة المضادة وقاتل حلم المصريين في التغيير - قيادات أمن الدولة المنحل " اللهو الخفي" : متمثلة في القيادات التي تحكمت بمقاليد الأمور وكانت ومازالت تلعب بمصر وبشعبها كعروس المارونيت .. وتستخدم في ذلك شبكة معلومات وعلاقات رهيبة ودلائل فساد وتسجيلات يشيب منها الطفل .. وهؤلاء لا يعرفهم الكثيرون فهم " الجوكر" الخفي الذي ترى آثار كفه على "قفا" مصر في كل نكسة .. ولا تراه أبدا - فلول النظام السابق : متمثلة في كل المنتفعين ببقاء النظام السابق على ماهو عليه .. وبقاء مصر في "مؤخرة" الدول لا يعنيها بشيئ .. كل ما يعنيها الموقع المتميز والحياة المرفهة ... هذه الفئة كسرطان امتد من رأس الدولة وقيادتها السياسية مرورا بالوزراء والمحافظين وعصابات مجالس الشعب والشورى والمحليات ومديريين المصالح وقيادات الجامعات والكليات .. إلا ما رحم ربي - كل خانع متواطئ ولو بفكر ... كل استكهولمي ... كل من سعى إلى الاستقرار على سبيل حريته وحرية مصر .... كل كنبجي يعرف الحق ومسهون عليه ويدافع عن الظلم لمنفعة او لغير منفعة... فكل ما سبق ما هي إلا عصابة .... مع اختلاف الادوار ... فيلعب المجلس العسكري دور البطولة وهو يقوم بها بأحتراف ... كما قال "الكتاب" .... ويلعب فيها دور المخرج " اللهو الخفي" الذي يتقن فنون اللعبة ... وهناك كثيرون يلعبون الادوار الفرعية وكمبرسات بالهبل ! وبرغم إيماني بهذا الشعب الذي دائما ما يزهلني برمزيات تعبر عن شجعاته واستقتاله لحريته ... كمشهد شاب يقف أمام المدرعة بكل بسالة . وآخر يفتح صدره للنار فيرد قتيلا وآخر يتسلق الأدوار الشاهقة في مشهد دراماتيكي ليأتي بعلم العدو محروقا في تحدي صارخ لكل قوى الشر في البلد التي تعاونت مع القتلة والسفاحيين ... وبرغم كل هذا أؤمن اذا لم تستكمل هذه الثورة .... فلن تقوم لهذه البلد قومة حتى يبدل الله قوما غيرنا .... فهذه "فرصتنا" الأخيرة ... وإذا لم يتسنى لنا النجاح فلابد ان نؤمن اننا لن نستحقها ... ولا يستحقها هذا الشعب .... الذي لا أعرف حتى الآن هل هو فعلا "عظيم" أم لا ... وهذا والله على ما اقول شهيد الساعة الحادية عشر 23 اغسطس 2011 ... 23 رمضان !
الأربعاء، يوليو ٠٦، ٢٠١١ عشان خاطر جيداء يا دكتور عصام شرف !!  يا دكتور عصام شرف ، يا رئيس وزراء الثورة ... ارجوك خيب ظننا واعلنها على الملأ انك مبعتش القضية .. قولها يا دكتور صراحة انك رفضت وبترفض ممارسات وضغوط المجلس العسكري عليك .. قولنا يا دكتور انك فعلا بتحارب وقدمت طلب تغيير 12 او 7 وزراء وتم الرفض .. ارجوك يا دكتور عصام قولنا انك لوحت بالاستقالة أكثر من مرة والضغوط كانت اقوى منك لكي تستمر .. قولنا يا دكتور انك رافض وبترفض انك تكون "بترينة" للمجلس العسكري وبقايا الحزب الوطني اللي بيحاولوا "يبلفوا" الشعب .. ارجوك يا دكتور قولنا انك مبعتش القضية عشان منصب او جاه او رضا حد .. قولنا يا دكتور انك لسة "مؤمن" بميدان التحرير اللي افرزك كرئيس وزراء .. قولنا انك لسة فاكر بوسة الغلبان المسكين اللي باسك في ميدان عشان حس فيك الأمل الجاي .. ارجوك يا دكتور وضّح موقفك .. ارجوك قولنا انك لسة مكفرتش بالثورة ... .. قولنا يا دكتور انك مبعتش ومش هتبيع دم الشهداء بـ " دية" من ميزانية الدولة .. ارجوك يا دكتور قولنا انا معرفش حاجة عن القنابل المسيلة للدموع والاعصاب اللي استوردت بعد الثورة واضربنا بيها من كام يوم .. قلنا يا دكتور انا طالع عين أهلى عشان أوقف ممارسات زبالة الداخلية في السويس وفي كل حتة ومش عارف قلنا يا دكتور أرجوك... .. قولنا انك مش قادر على فطاحل أمن الدولة اللي دايرين يبوظوا البلد وبيستخدموا كل اوراقهم عشان يضغطوا عليك وعلى المجلس العسكري .. قولنا يا دكتور انك مش فاهم ايه اللي بيحصل .. والظباط القتلة بيخرجوا ليه والوزراء الفاسدين بياخدوا براءة .. قولنا مالوه القضاء بتاعنا ؟ قولنا دول بيضغط عليهم وبيطلع عين أهلهم وبيمارس معاهم اوسخ الاساليب .. قولنا انك زيك زينا مش عارف تروح فين ولا تيجي منين ! .. قولنا دول بيهددوني وبيستخدموا معايا اوسخ الاساليب قولنا بس وهتلاقينا كلنا دروع بشرية بتحميك وبتحمي عيلتك كلها .. قولنا بحق كل واحد ادهس تحت عربية شرطة .. بحق كل مصري شجاع فتح صدره للنار ومخافش .. ارجوك قلنا انك مش هتردد نغمات ما قبل الثورة وهترفض التظاهر "ضمنيا" بحجة الاستقرار المزعوم .. قلنا ان الكرسي مغيركش ولسة بتحن لميدان التحرير .. ارجوك قلنا ... ولو مش قادر تواجه المجلس العسكري لوحدك .. تعالى ميدان التحرير يوم الجمعة .. وقلنا وقول للمجلس العسكري كلمة حق واحدة .. تعالى وقولنا ولو جت انك تعلن استقالتك من ميدان التحرير ... زي ما اعلنت شريعتك منه .. تعالى وشوف أقوى شعب واحسن شباب وخير جنود الارض وهما بيشلوك ع الاعناق تاني وبيحموك بحياتهم ارجوك يا دكتور .. عشان خاطر ولاد مصر .. واحفادها ... عشان خاطر جيداء لما تكبر تبقى فخورة بجدو . . . تعالى الميدان ..... وقول كلمة حق !
الاثنين، مايو ٢٣، ٢٠١١ حقائق عن المجلس العسكري  تضامنا مع الدعوة ليوم التدوين لانتقاد اداء المجلس العسكري .. محاولة لاثبات ان لا احد فوق النقد خاصة اذا كان في وضع سياسي يتحكم فيه بمصير البلاد .... أكتب بعض النقاط التي اراها حقائق لا يغفلها عاقل - الرئيس المخلوع مبارك هو الذي فوّض المجلس العسكري لحكم البلاد ... وليس الشعب .. وهذا يجيب على اسئلة كثيرة متعلقة بغموض محاكمة الرئيس مبارك واعوانه المقربين جدا - المجلس العسكري جزء لا يتجزأ من النظام السابق الذي تربى وترعرع في مدار السنوات السابقة في كنفه .. - المجلس العسكري جزء من قيادات ولا يمكن أعتباره هو الجيش المصري كله بقياداته وعساكره وصفوفه .. - الجيش المصري " للاسف " كان له نصيب لا بأس به من الفساد اللي عمم جميع انحاء البلاد ايام سنوات الظلام .. - يوم الجمعة الغضب 28 يناير كان هناك بعض مدرعات وعربات الجيش تنقل زخيرة للشرطة ، وبعض من قتلوا كانوا برصاص الجيش- لو الرصاص الحي ومواجهة المتظاهرين في ميدان التحرير في الـ 18 يوم ثورة كان هيقضي على الثورة .. قيادات الجيش مكنتش هتتردد للبدأ في المواجهة مع الشعب .. بس الموضوع كان أكبر من مقدرة الجيش حتى لو قرر انه هيبقى مجزرة .. - كتير من ظباط الصف التاني من الجيش كان هيبقى ليهم وقفة لو تم ضرب الرصاص الحي على المتظاهرين مما هدد اي احتمال لاي قرار متسرع من قيادات الجيش .. - بعض الاراء بتقول ان اوامر اطلاق النار الحي فعليا اصدرت وتم رفضها من الظباط اللي موجودين في الميدان .. وكان فيه تسجيل للقائد الميداني لقوات الجيش في وسط ميدان التحرير يعلن انه مش هيدخل النار بسبب انه اطلق طلقة واحدة على اي حد من المتظاهرين واعتقد دي كانت رسالة واضحة جدا للمجلس العسكري .. - أحمد شومان ... مش لوحده ! .. - المجلس العسكري بيستخدم نفس اسلوب النظام السابق ، مع زيادة في الدكتاتورية .. وباين اوي في القوانين التي أصدرت بعد ضرب اي حوار وطني عرض الحائط ... قانون منع التظاهر والأعتصام ، قانون الاحزاب ، واخيرا قانون ممارسة الحقوق السياسية- لا ننسى طبعا مسرحية " نعم و لا " ... اللي اخرجت لنا إعلان دستوري مش عارفين ده تبع نعم ولا لأ .. شكله كدة تبع نعلأ !- تم قمع متظاهرين مسالمين " مش بلطجية " في 9 مارس و 9 ابريل ، وكانت مهزلة باوامر المجلس العسكري وباعترافه وايام بيانات نعتذر ورصيدنا يكفي وابعتلي عشرة جنيه .. الخ وغير مهزلة الكشف على البنات اللي قال هيتم التحقيق فيها وغيرها .. ولا حياة لمن تنادي .. - المحاكم العسكرية للمدنين المتظاهرين ...والسجون العسكرية اللي مليانة بناس عارفينهم وناس كتير محدش يعرف عنهم حاجة - تباطؤ وتخاذل رهيب في محاكمة رئيس العصابة مبارك واسلوب الالتفاف والالتواء اللي سئمنا منه .... طبعا غير لعة "جس النبض " السخيفة بتاعة كل مرة دي .. - المجلس العسكري لا يقف امام المتظاهرين لما يكون عددهم يتعدى الالاف .. بس يتبع نظريات المسكنات طويلة المدى واسلوب التمزيق والتشرذم ، ولما يكونوا المتظاهرين في تعداد العشرات او مئات لا يجد مانع في قمهم بأحقر وسائل القمع وسحلهم للمحاكم العسكرية وأخيرا كتير مننا " وانا منهم " مش عارف المجلس العسكري معانا ولا علينا ؟! اوقات أحس انه معانا وهو حامي الثورة .. واوقات تانية احسه تعبان كبير مراوغ بيتلون بألف لون ... بس لو حطينا بعض الحقائق اللي فوق دي هيبان لنا حاجات كتير .. ولو خدنا بالنا من تسلسل بيانات المجلس العسكري .. واختلاف اسلوبها وطريقتها من بيان رقم (1) لبيان رقم حاجة وخمسين .. هيبان لنا حاجات كتير .. كانه بازيل " مكعبات " وبتتحط جنب بعضهاولسة الايام كفيلة انها تثبت ... والتاريخ هيثبت وهيدوّن ... والشعب المصري مش كله أهبل وبريالة وبيضحك عليه بكلمتين .. ملحوظة : انا مش مع مواجهة الجيش وحدوث مجزرة .. انا مع الضغط الشعبي .. انا مع ان الجيش يرجع ثكناته في اسرع وقت ممكن وقياداته تقعد في بيوتها معززة مكرمة
الثلاثاء، أبريل ١٩، ٢٠١١ صباح الفل .. لـ عمر طاهر ليس من عادتى أن أبدأ مقالى بأن أُصبّح عليك.. بس كما ترى حضرتك الأشياء من حولنا تتغير.. فسيادة المستشار مسجون ودليل إدانته الـ«سى دى» الذى طالما أرهب الناس به.. الحزب الوطنى بخ خلاص بمجالسه المحلية بمحافظيه، ومقاره فى طريقها لأن تتحول لمدارس أو مقار للمجلس القومى لحقوق الإنسان (أقترح تحويلها إلى مدارس تعلم الأجيال القادمة حقوق الإنسان).. والتوقيت الصيفى سيتم إلغاؤه (الفكرة التى أنهكتنا نفسياً مقابل حفنة من الكهرباء.. الفكرة التى تخدم نجفة الصالون مقابل تدمير فصين فى مخك كل عام.. خلاص).. مكتبة الإسكندرية هذا الصرح الحكومى سابقاً «المصرى حالياً» يفتح أبوابه بعد يومين لمناظرة فكرية بين عمرو حمزاوى الليبرالى وصبحى صالح ممثلا للتيار الدينى.. شباب الثورة يعقدون ندوات ومؤتمرات داخل نقابة الصحفيين (أخيراً دخلنا جوة النقابة بعد سنين عدت علينا واقفين على السلم).. لدينا مشروع سنمتلكه جميعاً اسمه «ممر التنمية» يقول الدكتور الباز إنه سيتم تمويله باكتتاب شعبى بسندات قيمة كل منها جنيه واحد (هادفع جنيه وابقى مالك.. مش زى النظام السابق اللى كان هيدينى صك اتداين بيه).. مصر تسمح لعائلة المناضل الإيطالى «فيتوريو اريغونى» بدخول غزة لتسلم جثمان ابنها الذى سافر لدعم الفلسطينيين على متن سفن كسر الحصار وقتل هناك (بعدما منع النظام السابق فلسطينياً سافر عبر مصر للحج من العودة إلى غزة).. مصر ضيف شرف مهرجان كان المقبل (بعد سنوات قضيناها نتطفل على الجماعة هناك).. الـ١٠٠ ألف فدان بتوع الوليد بن طلال فى طريقها للعودة (حررناها بدون نقطة دم واحدة) وعقد بيع عمر أفندى باطل بحكم هيئة مفوضى الدولة.. وزارة التربية والتعليم تستعين بطلاب من الثانوية العامة لتعديل القانون المنظم لعمل الاتحادات الطلابية بالمدارس (عقبال ما يلغوا الشرطة المدرسية).. بنوك التنمية والائتمان الزراعى تبدأ فى تسلم محصول القمح من الفلاحين بزيادة ٣٠% فى سعر الأردب (الفلاحين معنوياتهم مرتفعة).. مكتبة مبارك أصبح اسمها «مكتبة مصر العامة « (مش عارف هيعملوا إيه فى أكاديمية مبارك للأمن.. كلية الشرطة سابقاً).. الحكومة تستمع أخيراً للشعب وأنا لا أقصد الشكوى فقط، لكن وللأفكار بكل ما فيها من طموح مجنون، البلد حالياً لا يعتمد على بنك الطعام فقط، ولكن يعتمد وبشكل كبير على بنك الأفكار الذى أنشأه الدكتور شرف.. وعندك أنا أكتب لأول مرة فى حياتى تقريبا جملة مدح فى مسؤول حكومى دون أن يعنى هذا أن أصبح صاحب مكتب كبير مزود بجاكوزى ودون أدنى وخزة ضمير.. شيخ الأزهر يتبرع براتبه لصغار الموظفين.. الإيكونوميست تقول إن العرب يحسدون مصر على استقرار ثورتها وتماسكها (العرب ادونا عين جامدة كانت نتيجتها أننا رشحنا مصطفى الفقى ليصبح أمين جامعة الدول).. رؤوس الفساد فى طرة يعاتبون بعضهم البعض فى مشهد مماثل لفينالة فيلم العار على حد تعبير أصدقائى نشطاء الـ«فيس بوك» (حد يحط الشعب فى صفيحة ويسيبه ٣٠ سنة فى المية المالحة؟).. أبوتريكة فايق وبيلم بالـ٣ لعيبة فى حركة واحدة.. الزمالك يفوز بعشرة لاعبين.. أنا عايزك ترد عليا وماتسبنيش أهذى.. صباح الفل ولا مش صباح الفل؟
|