|
::شمعة::
::The Real Candel::  Name::Mahmoud Hafez From::Normal, Illinois, United States I'm who lost everything to win himself View my complete profile
::Recent Lights::
::Old Lights::
::Other Candels::
::Spare::
|
الأربعاء، أغسطس ٣٠، ٢٠٠٦ الحنين الى الطفولة  دائما أحن الى نفسي وانا طفل أحن للبراءة أحن لنظرة السعادة أحن للتفائل والأمل الذي كان يمتلكني احن الى الانسان الذي كان ومازال بداخلي دائما أتذكر نفسي في مدرستي الابتدائية اتذكر أصحابي الصغار وعيونهم البريئة اتذكر نفسي ألعب وامرح دون أن احمل اي هم للحياة أتذكر نفسي وانا نايم في حضن جدتي اتذكر اغانيها الجميلة اتذكر نفسي على شجرة التوت أقطف منها ما يحلو لي يااااه كانت ايااام روعة بالفعل احتاج الى مجلدات لأحكي مواقف طفولتي بالتفصيل 
 الاثنين، أغسطس ٢١، ٢٠٠٦ لحظـــــة فشـــــل .. .. .. عمر الزمان ما كمل الحدوتة اشمعنة يعني انهاردة اللي بيحلم اقول توتة توتة فوق يابن آدم واستمع ودك احنا قلوب بس القلوب شايبة متعلقة ... سايبة ... في احبال دايبة .. كله يوصل للمفيش حياة رخيصة متساويش اوعى تراهن ع الزمن عمر الزمن ... آآآه ما كمل الحدوتة منيـــــر ...................................... هكذا الحياة ... نسعى ... ونفكر ... ونعقل ... ويلعب القدر لعبته نضع معطيات النجاح نحصد نتائج الفشل نسعى للنجاح نرى انفسنا في طريق الفشل وفي ظل الفشل نجد انفسنا تحت مظلة النجاح نجاح .... فشل ماهي المقاييس !!!! لا توجد مقاييس ثابتة لذلك ... ومن الآن سأضع مقاييس النجاح !!!!
الأربعاء، أغسطس ٠٢، ٢٠٠٦ آه م الغِل .. شعر رانيا منصور آه م الغِل.. لما يشل لما تحس انك متكتف وان عروقك نافرة ف جسمك وان سنانك دايسة عليك لما تحس انك جواك عمال يتدغدغ وانك ساكت راضي وخامد كانوا زمان بيسموك نار واهو دلوقتي.. شعلة اتخمدت بعد ما قادت آه م الغِل . . كنت ف حالي ولا على بالي فجأة لقيت الدنيا اتقلبت قالوا اتهاجمت قمت جريت فجأة لقيتني بجد صحيت آدي صورهم إمسك طُل آآآآه م الغل وآه م الذل لما يصحّي الموت جواك إمسك طل . . هما عيالهم بيشخبطوا فوق الصواريخ كنُّه ده يوم العيد عنديهم هنطيَّر صواريخ يا ولاد واحنا عيالنا رخيصة علينا قبل عليهم هيروح حبة وييجي جداد يعني خلاص؟ هما عيالهم دول ف القلب واحنا عيالنا اللي ولاد كلب؟! عارف لما تحس بأنك عايز تمنع حتى الميّه عايز تمنع روحك نفَسك عايز تشطب بالجير اسمك عارف لما تحس بأنك كلك ذنب لما تحس انك مقهور لما تحس انك مكسور نفسك تمسك واحد تاكله آآآه .. ده الغل لما يذل وانت مكتف عمال تاكل جوا ف نفسك وتلوم غيرك وتلوم نفسك . . آه من غِلي وضيقي يا ناس قلبي هيلغي الدق خلاص مش عايزة اكتب غير بالدم او بالسم ولا بلاش اصلي بكده مش هاطفي النار كان نفسي احضر يوم ما اتحرقوا لجل ما اشم.. أجمل ريحة حرق هتطلع من أحقر ما الدنيا تضم وآه م الهم آآآه م الغل.. دمعك خلّص؟ صوتك فنّش؟ شفت صورهم؟ شفت جلودهم دي المحروقه؟ شفت بطونهم دي المشقوقة؟ شفت ايديهم؟ سامع صوتهم؟ لا مش ساكتة هناك بتحسبن آه م الغل.. كنت انا بافرح لما يقولوا يا قلبك لابيض من دلوقتي خلاص هاتجدد قلبي اتسود نفسي ادوق من حزني دموعهم نفسي أهوّي عليا بإيدهم المقطوعه والمسلوخة نفسي أسوّي الأكل بنارهم مانا جوايا ضلوع محروقة
الثلاثاء، أغسطس ٠١، ٢٠٠٦ أحتضر يا ليتني كنت هناك نعم ياليتني كنت في جنوب لبنان او في قاتا او في غزة ياليت بيتي انهدم ، او ياليتني استشهد كوني مجني عليّ أكرم الف مرة من كوني جاني نعم احس باحساس مر جدا تراودني كوابيس ارى نساء واطفال بيروت وفلسطين وهم ينادون عليّ وانا لا ابالي أكل واشرب واذهب الى اماكني اليومية ولا كأن شئ يحدث يالله ما هذه المرارة التي احسها في فمي عندما انظر الى ضحايا المجازر الاسرائيلية واخرهم مذبحة قاتا احس بمرارة دم الابرياء في فمي وكأني القاتل الجاني ومن غير "كأني" لأني انا بالفعل القاتل نعم كلنا جناة كل الشعوب العربية والاسلامية ومحدش يقولي الحكام دائما أقول الحكام صناعة محلية للشعوب ولا عتاب عليهم العتاب على العجز والخوف الذي يعترينا جميعا بلا استثناء عجزنا الذي يجعلنا مثل الخرص ، بل أكثر جعلنا نخاف ان نقول حتى لا واذا قلنا ، وشجبنا وانكرنا ، ياترى بنعمل ايه ولا حاجة همج ، ورعاع حتى الدعاء بقا شئ ينرفز عاملين زي الطالب الفاشل اللي مذكرش ومحلش في الامتحان وهو رايح يجيب النتيجة . . . . . مفيش تفكير مفيش عقول ناضجة مفيش حلول جذرية وخطوات عملية ولا كأن في هذه الامة مفكرين ولا حتى اصحاب عقول لا شئ ارى امامي اللاشئ في كل مكان حالة اكتئاب توصلني للاحتضار وليته احتضار فليكن احتضار..... فلعله خير لعله خير ------ اللهم احييني اذا كانت حياتي زيادة لي في كل خير وأمتني اذا كان الموت راحة لي من كل شر
|
