الجمعة، ديسمبر ٠٣، ٢٠١٠

لـ ألــ حضن الذي افتقده


مره صحيت م النوم
و سألت الناس مين ليا ؟
مانا لازم حد يكون ليا
مثلاحد يقوللي صباح الخير يا " محمد "
حد يقوللي ازيك / عامل إيه ؟
وشك ليه متغير ؟
مثلا رايح فين ؟
خد بالك من نفسك
هاستناك و ما تتأخرشي / بتوحشني
الشغل كويس ؟
بادعيلك
بس ما تتعبش حبيبي معاك
كل الناس ماشيين
و انا واقف مستنيكي تعدي
تضحكي ضحكه تنور قلب الأرض
تطلع ورد على الميه
تنبت فرحه
تخبّط
تفتح كل ابواب الأرض لكل الناس
و تاخدهم بالحضن
مثلايمكن صدري الضيق ده
في الأصل سحابه
يمكن عيني دي مركب نيلي
يمكن وشي بلد
يمكن روحي دي أصلا طير
أو غنوه
و انا مستنيكي تغني
مره حلمت ان انتي هناك
فاتحه إيديكي / لامسه فراغ الحلم
بتطبطبي ع الأرض
حاضنه البحر
عاليه ما حدش طايلك غيري
و انتي بتلمسي خدي بعينك
مش قلتي انك ما بتبكيش ؟
أصل انا لما صحيت م الحلم
كان دمعك بالل خدي
عارفه ؟
أنا محتاجك خالص
_____________________

عارفة - محمد دراز

Posted by Mahmoud Hafez :: الجمعة, ديسمبر ٠٣, ٢٠١٠ :: 4 Comments:

Post a Comment


Free Web Site Counters
Get a Free Web Site Counters